Ağayev Ağadadaş Ağaqardaş oğlu Saatlı rayonunun Qıraqlı kəndində anadan olub. Qazimiz aprel döyüşlərinin iştirakçısı olmuş müxtəlif döyüş əməliyyatlarında iştirak etmişdir. Eyni zamanda Ağadadaş Ağayev 44 günlük İkinci Qarabağ müharibəsində də qəhrəmanlıqla iştirak etmişdir. O döyüş tapşırıqlarını yerinə yetirərkən bir neçə dəfə yaralanmış, ancaq buna baxmayraq yenidən döyüşlərə qatılmaq üçün müraciət etmişdir. Qazi Ağadadaş Ağayev Füzuli şəhəri, Cəbrayıl və Xocavəndin azad olunmasında xüsusi şücaət göstərmiş və müxtəlif müdallarla təltif edilmişdir: “Döyüşdə fərqlənməyə görə medal”, “Füzulinin azad olunmasına görə medalı”, “Cəbrayılın azad olunmasına görə medalı”, “Xocavəndin azad olunmasına görə medalı”
Qazimiz övladı Ağaqardaş bala üçün mərkəzimizə müraciət edib. Belə ki, Ağaqardaş balamızda nitq geriləməsi, nitq ləngiməsi müşahidə olunur. Həmçinin balamız yaşıdları ilə ünsiyyət qurmaqda çətinlik çəkir, adaptasiya problemi var. Eyni zamanda Ağaqardaş balamızda davranış pozuntuları da müşahidə edilir, bir neçə sferada yaşıdlarından geri qalır. Nitqində problemin olması və özünü ifadə edə bilməməsi onda aqressiv davranışların da yaranmasına səbəb olub.
Biz də Narınc ailəsi olaraq qazimizin övladına əlimizdən gələn hər bir dəstəyi göstərəcək və tezliklə Ağaqardaş balamızın problemlərindən qurtulması üçün çalışacağıq. Uğurlu nəticəmizi tezliklə bölüşəcəyik!
Uca Tanrıdan Şəhidlərimizə rəhmət, qazilərimizə şəfa diləyirik!
