Qazimiz Məmmədov Amil 1995-ci ildə Şirvan şəhərində anadan olub. İkinci Qarabağ müharibəsində iştirak edib və döyüş əməliyyalarından birində qoulndan qəlpə yarası alıb. Qazimiz Füzli şəhərinin, həmçinin Cəbrayıl və Xocavəndin azad olunması uğrunda gedən döyüşlərdə iştirak edib. Xidmətləri və qəhrəmanlığına görə qazi Amil Məmmədov “Vətən müharibəsi iştirakçısı”, “Cəbrayılın azad olunmasına görə” və “Xocavəndin azad olunmasına görə” medalları ilə təltif edilmişdir.
Qazimizin 3 yaşlı oğlu Əbəlfəz balada həm autizm spektr pozuntusu, həm diqqət defisti, həm də nitq problemləri var. Nitqində demək olar ki, çox az söz var cümlə qura bilmir. Həmçinin oğlumuzda hiperaktivlik də müşahidə olunur.
Elə bu problemlərə görə Əbəlfəz balanın nənəsi mərkəzimizə müraciət etmişdir. Biz də nənəmizin çağırışını cavabsız qoymadıq və balamızı ilkin müayinələrdən keçirdik. Autizm spektr indeksini də ölçdük, oğlumuzda nəticə 74 oldu. Bu göstəricini də aşağı salmaq lazımdır. Belə ki, balamıza kompeks terapiya gərəklidir. Problemləri çox və ağır olsa da zamanında müraciət etdikləri üçün 3 aylıq terapiya ilə gözlə görüləcək qədər dəyişiklik əldə etmək olar. Narınc komandası olaraq qazimizin balaca oğlu Əbəlfəz problemlərindən qurtulması üçün əlimizdən gələn dəstəyi göstərəcəyik!
