Narsistlərin təməl xüsusiyyətlərindən biri əzilmiş eqolarını tətmin etmək ehtiyacıdır. Onlar daim diqqət mərkəzində olmağa çalışır və özlərini üstün görməyə meyllidirlər. Narsizmin əsas səbəblərindən biri, keçmişdə yaşanmış emosional zədələrdən qaynaqlanan bir “yara”dır. Bu yaranı örtmək üçün narsistlər başqalarının diqqətini və təsdiqini qazanmağa çalışır, hadisələrin mərkəzində olmaq istəyirlər. Bəsç narsistlə necə davranmaq lazımdır?
Narsistlərin Davranış Xüsusiyyətləri
- Ovçu davranışı: Narsistlər, bir insanı əldə edənə qədər “ovçu” kimi mükəmməl davranış sərgiləyirlər. Bu müddətdə qarşı tərəfə yaxşı münasibət göstərir və onu cəlb etməyə çalışırlar. Lakin həmin şəxsi əldə etdikdən sonra davranışlarında dəyişiklik yaranır.
- Daim yeni axtarışlar: Narsistlər bir insanı əldə etdikdən sonra belə, başqa insanlara maraq göstərməyə və yeni əlaqələr qurmağa çalışırlar.
- Manipulyasiya: Qarşı tərəfi idarə etmək və öz təsir dairəsində saxlamaq üçün müxtəlif yollarla manipulyasiya edirlər. Onlar insanların zəif nöqtələrini istifadə edərək üstünlük qazanmağa çalışırlar.
Narsistlə Münasibətdə Necə Davranmalı?
Narsistlə münasibət qurmaq və bu münasibətdə sağlam sərhədləri qorumaq vacibdir. Bunun üçün bir neçə strategiya tətbiq oluna bilər:
- Sərhədlər müəyyənləşdirmək: Münasibətin başlanğıcında sərhədləri aydın şəkildə müəyyən etmək və bu sərhədləri qorumaq vacibdir. Narsistlər sərhədləri aşmağa çalışsalar da, qarşı tərəf öz mövqeyini qorumalıdır.
- İdarəni əldən verməmək: Narsistin idarəetmə meyllərinə qarşı çıxmaq və onun təsir dairəsindən çıxmaq vacibdir. Onun manipulyasiya cəhdlərinə boyun əyməmək lazımdır.
- Emosional məsafə saxlamaq: Narsistlə münasibətdə emosional məsafə saxlamaq və şəxsi həddlərə hörmət etməsini tələb etmək əhəmiyyətlidir.
Nəticə
Narsistlər ilə münasibət qurmaq çətin ola bilər, lakin doğru strategiyalarla sağlam sərhədləri qorumaq mümkündür. Münasibətdə sərhədləri aydın şəkildə müəyyənləşdirmək və onların idarəetmə meyllərinə qarşı durmaq, özünüzü qorumaq üçün ən təsirli yollardan biridir. Narsistlərə münasibətdə diqqətli olmaq və manipulyasiya cəhdlərinə qarşı çıxmaq, sağlam və balanslı əlaqələr qurmağa kömək edəcəkdir.
Amerika Beynəlxalq Nevrorequlyasiya və Tədqiqatlar Dərnəyinin rəsmi təmsilçisi, Psixologiya Elmi-Tədqiqat İnstitutunun elmi işçisi, uzman- klinik psixoloq Narınc Rüstəmova
